Романија сериозно се вооружува: Купува француски системи за противвоздушна одбрана „Мистрал“

Романија, членка на ЕУ и НАТО, има долга граница со Украина, што ја зголемува нејзината воена важност.

Нејзината моментална воздушна одбрана вклучува разни модерни системи како што се Патриот, авиони Ф-16 и ракетни лансери Химарс.

Романското Министерство за одбрана објави дека потпишало договор со Франција за купување на 231 преносни системи за противвоздушна одбрана „Мистрал“ и 934 ракети, заедно со обука, симулатор и логистичка поддршка, во вредност од повеќе од 626 милиони евра.

Оваа набавка е дел од заеднички договор со неколку други земји од Европската Унија, објави Ројтерс. Планот за набавка првично беше одобрен од романските парламентарци во 2022 година.

Романија, членка на ЕУ и НАТО, дели граница од 650 километри со Украина и неодамна беше погодена од повреди на воздушниот простор и падови на остатоци од беспилотни летала, истакнува Ројтерс.

Во моментов, романската воздушна одбрана вклучува:

– Борбени авиони Ф-16
– системи „Патриот“
– Ракети „Химарс“
– Јужнокорејски ракети со краток дострел „Хирон“
– Германски противвоздушни топови „гепард“

Земјата, исто така, планира да соработува со Украина во изградбата на беспилотни летала преку механизмот за финансирање на одбраната на ЕУ и го завршува распоредувањето на американскиот систем против беспилотни летала „меропс“.