Поради несреќа на патот Битола – Прилеп, сообраќајот е пренасочен

 Поради случена сообраќајна незгода на магистралниот пат А3 Битола – Прилеп сообраќајот се пренасочува по регионалниот пат.

Како што информираат од Автомот сојузот на Македонија, сообраќајот се пренасочува на регионалниот пат од 12.10 часот.

Две жртви и едно тешко повредено лице во сообраќајка на влезот во Битола

Две лица загинаа, а едно лице е тешко повредено во сообраќајка што денеска напладне се случи на магистралниот патен правец А3 што го поврзува градовите Битола и Прилеп.

Во сообраќајката на влезот во Битола, учествувале камион и патничко моторно возило и притоа во директниот судир на лице место животот го загубиле едно лице жител на градот Скопје и едно лице странски државјанин, додека повреденото лице, исто така странски државјанин е итно пренесено на лекување во ЈЗУ Клиничка болница-Битола.

Екипи на СВР Битола и Јавен обвинител се на терен и ги истражуваат причините за несреќата, а сообраќајот се пренасочува по регионалниот пат Битола-Прилеп.