Подобрен кредитниот рејтинг на Турција, прв пат по повеќе од една деценија

„Мудис“ го зголеми кредитниот рејтинг на Турција, наведувајќи го подобреното владеење, построгиот став кон монетарната политика и напредокот во однос на инфлацијата, додека ја одржуваше перспективата на земјата како „позитивна“.

Суверениот кредитен рејтинг беше подигнат за два степена, од „Б1“ на „Б3“, што ја означи првата надградба на „Мудис“ за Турција по повеќе од една деценија.

Наведените причини се „подобрувања во менаџментот, поточно одлучно и сè позацврстено враќање на цврстите монетарни политики, кои ги даваат првите видливи резултати во однос на намалувањето на големите макроекономски нерамнотежи во земјата“.

Турција од минатата година спроведува строга монетарна и фискална политика за да се справи со зголемената инфлација.

„’Мудис’ за прв пат го зголеми нашиот кредитен рејтинг за два степени! Благодарение на програмата што ја спроведуваме, по 11 години, ‘Мудис’ го подобри кредитниот рејтинг на нашата земја и ја задржа позитивната перспектива“, напиша Шимшек на Твитер.

Иако инфлацијата и домашната побарувачка почнаа да се намалуваат, се очекува инфлаторните притисоци „значително да се намалат во наредните месеци и во 2025 година“, соопшти рејтинг агенцијата.

Во јуни, годишната стапка на инфлација во земјата започна очекуваниот стабилен пад, паѓајќи повеќе од очекуваното на 71,6% од 75,45% во мај.

Агенцијата, исто така, истакна дека турската централна банка брзо го зголемува кредибилитетот на монетарната политика, што пак помага да се врати довербата во турската лира.