Почина Мирко Петровски, бодибилдер и фитнес тренер на познатите
Почина познатиот македонски бодибилдер и фитнес тренер, Мирко Петровски. Имаше 47 години.
Веста на социјалните мрежи ја сподели музичарот Панчо.
– Сѐ уште сакам да мислам дека е само еден лош сон. Мирко мој, не требаше вака да не оставиш. Знам дека имаше уште многу планови зацртани и многу работи недокажани. Денес изгубив(ме) голем другар, голем спортист и татко. Couch мој, на поубаво место си секако каде конечно ќе го најдеш твојот душевен мир.
Ќе те памтам како добар човек и лојален другар. Вечна ти слава Мирко Петровски – напиша тој на нивната заедничка фотографија.
По трагедијата се огласи и Зоран Паљо Лазаревски, кој со тага ја соопшти веста.
„Многу жално прерано замина Спортист татко другар. Никој незаслужва да замини пред време секој треба да доживее длабока старост Вечен мир Мирко“ – напиша тој.
Мирко имаше своја теретана. Беше персонален тренер на многу наши познати личности.
Мирко Петровски со спорт се занимава од својата најрана возраст, и има освоени повеќе медали на македонско и регионално ниво, а се појавува на неколку професионални натпревари во Европа, Англија и Америка. Последните години активно работеше како фитнес тренер.
Тој е оженет и татко на едно дете.
Во 2013 година, Мирко Петровски е одликуван со државната награда „8-ми Септември“.