По ова ќе посипувате сол секаде во домот

Солта не се користи само за солење храна, еве за што друго е корисно!

Солта има своја улога во нашето тело, но сите знаеме дека не треба да претеруваме со внесувањето на оваа храна. Сепак, она што многумина не го знаат е дека солта не служи само за солење храна, еве што друго можете да направите со неа.

Брка мравки

Додека шеќерот ќе привлече мравки, солта може да помогне да се одбијат. Ако забележите дека мравките „лазат“ некаде околу прозорецот или вратата, посипете малку сол на рамката на прозорецот или која било друга површина што мравките ја „напаѓаат“ и брзо ќе ги избркате.

Чисти прозорци

За да се ослободите од постојаните дамки од стаклото, треба да додадете само лажица или две сол во четири литри топла вода. Попрскајте го стаклото со оваа смеса и исчистете го, прозорците ќе ви светнат!

Чисти цевки

Ако забележите дека водата тече малку побавно од мијалникот, измешајте ја со малку топла вода и истурете ја оваа смеса во одводот. Солта ќе помогне да се распаднат наслагите во цевките, што создаваат непријатен мирис и спречува да тече вода.

Ја освежува бојата на текстилот и ги отстранува дамките

Со помош на сол, можете да ја вратите бојата на завесите, теписите, да ги освежите или да ги отстраните дамките. Сè што треба да направите е да натопите крпа во вода во која претходно сте додале сол, а потоа со неа да ги истриете завесите, теписите или некои текстили.

Полира

Солта е одлична состојка за полирање на сребро, бакар, месинг. Измешајте ја со оцет и со оваа паста истријте што сакате да полирате. Ќе ги отстрани сите нечистотии, а оцетот ќе му даде сјај.