Падна одлука: Само два часа дневно користење мобилен

Градскиот совет на Тоџоака во Јапонија денес донесе уредба со која им се препорачува на сите жители да ја ограничат употребата на паметни телефони, конзоли за видео игри и други дигитални уреди на два часа дневно надвор од работа и училиште.

Регулативата стапува на сила на 1 октомври и нема да има казни, објавува Кјодо. Одлуката за ограничување е донесена поради страв од прекумерна изложеност на технологијата.

Во уредбата се наведува дека е разбирливо што паметните телефони, таблетите и другите дигитални уреди се неопходни. Сепак, се предупредува дека прекумерната употреба може да има негативни ефекти, вклучително и лишување од сон и намалена семејна интеракција.

Како што е наведено, децата што одат во основно училиште се повикуваат да се воздржат од користење паметни телефони по 21 часот, а постарите ученици по 22 часот.

Колку е штетно да се спие со мобилен телефон до главата?
Градоначалникот на Тоџоаке, Масафуми Коуки, изјави дека градот поставил временски ограничувања за употреба на паметни телефони со уредба врз основа на упатствата за здрав сон на Министерството за здравство, труд и благосостојба, поставувајќи го просечното време на користење во текот на работната недела на два часа и заклучувајќи дека надминувањето на овој број може да доведе до лишување од сон.