Огромно откритие за Кина – најдоа илјадници тони злато

Во централната кинеска провинција Хунан е откриено огромно наоѓалиште на злато, чии резерви се проценуваат на повеќе од илјада тони.

Според Провинцискиот геолошки институт, откриени се нови области со злато во рудникот Вангу, кој се наоѓа во округот Пинџијанг. Проценетата вредност на пронајденото злато е околу 83 милијарди долари.

По темелни геолошки истражувања, кинеските експерти идентификуваа повеќе од 40 златни вени во златното поле Ванг во округот Пинџијанг, кое се наоѓа на длабочина од над две илјади метри. Посебно е значајна главната област за истражување, која содржи повеќе од 300 тони резерви на златна руда, пренесува Seebiz.

Извештајот покажува дека најголемата содржина на злато во рудата била 138 грама на тон, што укажува на висока оценка на наоѓалиштето.

Се проценува дека на длабочина од 3.000 метри има повеќе од 1.000 тони злато во вредност од 82,8 милијарди долари, пренесува Ксинхуа.

Пред неколку дена објавивме дека Јапонија откри наоѓалиште на барани минерали.

(Видео) Јапонија откри огромно богатство, кое ќе ја поддржува нејзината економија со децении