Ноќ на вештерките во Холивуд: Лиза Рина како Џеј Ло
САД- И годинава двајцата пријатели бизнисменот Ренди Гербер (57) и актерот Џорџ Клуни (57) ја имаа најдобрата забава за Ноќта на вештерките во Холивуд со многу славни гости.
На забавата на компанијата за текила „Казамигос“ која ја продадоа преклани, Гербер се маскираше како хипик, а сопругата, топ-моделот Синди Крафорд како диско кралица. Најмногу внимание предизвика актерката Лиза Рина која се облече во легендарниот фустан на Версаче кој Џенифер Лопез го носеше на доделувањето на наградите Греми во 2000.
И Белата куќа најави дека вечерва ќе ја организира Ноќта на вештерките, трета по ред со домаќините Доналд и Меланија Трамп.
