Нина Црнокрак е Little Miss Planet 2023

Нa 16 јуни 2023 во Варна, Бугарија, се одржа изборот за убавина за деца и тинејџери, Little Miss & Mister Planet и Miss & Mister Teen Planet 2023. 

Во конкуренција деца и тинејџери од целиот свет, за Little Miss Planet е избрана нашата Нина Црнокрак (11), помалата ќерка на македонските модели Мики и Светлана Црнокрак.

Во конкуренција на тинејџерки од 15 до 18 години, Македонија ја претставуваа сестрите Дебора (15) и Лаура (17) Стефанови.

Дебора ја освои титулата прва придружничка, а Лаура титулата Мис талент.

Сите три се членки на Модното студио Црнокрак, кое веќе 10 години ја поседува лиценцата за Македонија за овој интернационален избор за убавина.

Од Модното студио и овојпат беа поддршка на нашите девојчиња, а во жири комисијата, меѓу останатите национални директори и познати личности, беше и Светлана Црнокрак.

Нина, Лаура и Дебора на финалето, кое се одржа на Златни песоци, се претставиja во модели на креаторката Јасмина Дракул, специјално изработени за нив за овој избор.