Научниците го открија најточниот метод за мерење: Колку навистина свети вселената

Научниците конечно успеаја да измерат колку е светла вселената – и поточно од кога било досега. Универзумот го поседува она што истражувачите го споредуваат со космичка ноќна светилка: многу слаба, речиси невидлива светлина што се протега низ целиот космос

Оваа светлина, позната како космичка оптичка позадина, е неверојатно слаба – дури 100 милијарди пати послаба од сончевата светлина што допира до површината на Земјата. Поради ова, невозможно е да се види со голо око, а исклучително е тешко да се открие дури и со напредни телескопи, пишува Independent.

За да ја измерат оваа светлина, научниците го користеа вселенското летало на НАСА New Horizons, кое прелета покрај Плутон во 2015 година и сега е оддалечено милијарди километри од Земјата. Ова им овозможи на истражувачите да „избегнат“ од светлосното загадување што ја опкружува Земјата и се рефлектира од прашина и отпад во близина на нашата планета. На овој начин тие добија поглед длабоко во вселената.