НАСА објави неверојатна нова слика од телескопот Џејмс Веб

Вселенскиот телескоп Џејмс Веб на НАСА повторно ги надмина сите очекувања. НАСА вчера објави спектакуларна слика од илјадници млади ѕвезди кои светат силно. Тоа е поглед од блискиот „ѕвезден расадник“ на 5.500 светлосни години од Земјата.

Покрај младите ѕвезди со различни големини и бои, фотографијата открива облак од прашина и гас во кој се раѓаат ѕвезди. Овој облак, наречен Маглина Јастог, е толку огромен што се протега надвор од видното поле на камерата. Група многу млади ѕвезди, наречена Писмис 24, се наоѓа длабоко во неговата внатрешност.

Повеќе од пет часа за една фотографија

Веб, најголемиот и најмоќниот телескоп некогаш испратен во вселената, беше лансиран во 2021 година. Потребни беа повеќе од пет часа за да се направи оваа фотографија. Тој го набљудува универзумот во инфрацрвениот спектар, што му овозможува да продира во космичката прашина и да снима сцени од раѓањето на ѕвезди.

Растојанието до маглината е 5.500 светлосни години, при што една светлосна година е околу 9,46 трилиони километри.