НАСА го избра „Спејс икс“ за лет на Европа, сателитот на Јупитер

НАСА објави дека го избрала „Спејс икс“ за предвидениот лет кон Европа, замрзнатиот сателит на планетата Јупитер, што е голема победа з акомпанијата на милијардерот Елон Маск, кој сака да организира што подалечни патувања во Сончевиот систем.

Се работи за прва мисија на НАСА на Европа и целта е да се утврди дали тој има услови за живот. Че се спроведи детално истражување на овој сателит на Јупитер, кој е нешто помал од Месечината, и водечки кандидат кога се работи за потрага за живот на друго место во Сончевиот систем.

Мисијата Европа клипер ќе тргне во октомври 2024 година со ракетата „Фалкон хеви“ од вселенскиот центар „Кенеди“ на Флорида.

Вредноста на договорот е 178 милиони долари.
Меѓу останатите цели на мисијата Европа клипер е и да произведе слики со висока резолуција на површината на Европа, да се утврди составот на површината, да се побараат знаци на геолошка активност, да се измери длабочината на замрзнатиот покривач, да се утврди длабочината и соленоста на неговите океани, додаваат од НАСА.