Наоми е безвременска: По петти пат позира за календарот „Пирели “

Големата годишнина од култниот календар на Пирели во 2024 година ја одбележуваат големите имиња на забавната индустрија, предводени од уникатната Наоми Кембел. Се навршуваат 50 години од престижното издание, додека една од најпознатите манекенки од 90-тите, која сè уште има значајна позиција во светот на модата, позира за календарот по петти пат.

Минатата недела во Лондон беше претставено иконското издание на Пирели, за чиј визуелен идентитет беше задолжен уметникот од Гана, Принс Гјаси. Годинешниот заеднички именител на уметничките фотографии е „Timeless“ и им оддава почит на истакнати поединци кои оставаат трага на сегашноста и се „предодредени да ги инспирираат идните генерации“, пишува The Standard. Наоми Кембел, сосема соодветно, беше избрана за тема на „Time Stopper“.

Покрај неа, во јубилејното „Пирели“ меѓу другите има и фотографии од актерите Идрис Елба и Анџела Басет, американската писателка Маргот Ли Шетерли и поетесата Аманда Горман.

„Не се раѓаме „безвременски“, туку стануваме такви. Сите ѕвезди од фотографиите успеаја да ги препознаат своите способности и да се позиционираат. вели фотографот. Исто така, треба да се додаде дека пред две години тој веќе работеше со Наоми Кембел – ја снимаше за едиторијал на францускиот магазин Madame Figaro и уживаше во соработката.

“Кога ги гледам жените како Наоми, јасно е дека таа не е моја генерација, но сепак е икона и за мојата генерација. Тоа може да се случи само ако сте посветени на својата работа и верни на сопствените верувања”, визуелното – заклучи уметникот.

Календарот Пирели првпат беше објавен во 1964 година и досега има 49 изданија создадени од над 40 фотографи. Со текот на годините, календарот на Пирели го промени своето позиционирање и ги напушти стандардите за убавина во обид да ја одрази различноста. Сега наместо разголени топ модели, страниците на календарот ги красат светски ѕвезди, жени и мажи кои постигнале успеси во различни области на активност.