Награди БАФТА: „На запад ништо ново“ води со најмногу номинации – 14

Британската академија за филм и телевизија (БАФТА) денеска ги објави номинираните за своите годишни награди БАФТА, кои ќе бидат доделени на церемонија на 19 февруари во Лондон, предводена од филмовите „All Quiet on the Western Front“ со 14, „Banshees of Inisherin“ и „Everything Everywhere All At Onе “ со по десет номинации, „Elvis“ со девет и „ TAR“ со пет номинации. 

Критички признатиот еп од Првата светска војна е нова екранизација на романот на Ерих Маријa Ремарк од 1928 година. Филмот е прв во изминативе 9 години кој успеа да добие 14 или повеќе номинации по „Говорот на кралот“ во 2011 година.