Над 400 лица го смениле родот во Белгија минатата година

Од Инситутот за родова еднаквост на Белгија соопштија дека во текот на изминатата година 414 лица го смениле својот родов идентитет.

Од 2018 година во Белгија е олеснета процедурата за промена на родовиот идентитет, меѓу другото преку укинување на обврската за медицински и психолошки консултации кои беа задолжителни пред законот за трансродовост.

Откако законот е во сила, стапката на лица кои се одлучуваат за промена на нивниот род во личните карти е стабилен меѓу 400 и 500 лица, освен првата година кога се зголемила над 700.

Уставниот суд на Белгија смета дека законот за трансродовите лица се уште не е доволно инклузивен кон лица кои се сметаат за родово флуидни или небинарни.