Над 2.800 барања за промена на српски со косовски возачки дозволи за два месеци

Приштина – Косовската полиција објави дека во изминатите два месеци низ Косово се поднесени над 2.800 барања за замена на српските возачки дозволи со косовски, јави дописникот на МИА од Приштина.

Од косовската полиција за порталот КоССев потврдија дека најмногу барања се поднесени во четирите општини на северот на Косово – 2.426, а најмногу во Северна Митровица.

– Во Лепосавиќ се поднесени 752 барања, а во Северна Митровица 753.426 се поднесени во Зубин Поток и 495 во Звечан, потврди полицијата.

Што се однесува до другите делови на земјата, најмногу пријавени за замена на српските возачки има во Грачаница – 123, потоа во Каменица – 42 и Гњилане – 30, а има по неколку барања и во другите косовски општини.

Вкупниот број на поднесени барања е 2.827.

Косовското Министерство за внатрешни работи одлучи на почетокот на мај годинава да овозможи преминување од возачки дозволи издадени за косовски државјани во Србија, кои Приштина ги смета за нелегални, на косовски возачки дозволи.

Одлуката стапи во сила на 9 мај, а можноста за промена трае вкупно три месеци, до 9 август. По истекот на овој рок, како што е најавено, во Косово повеќе нема да може да се вози со српски дозволи кои им биле издадени на косовски граѓани.