Над 16.000 домови без струја поради пожарот во Лондон, затворен аеродромот Хитроу (видео)
Повеќе од 16.300 домови останаа без струја поради голем прекин на електричната енергија, објави на X добавувачот на енергија „Scottish and Southern Electricity Networks“.
Компанијата ги повика сите кои зависат од електрична енергија за медицински потреби и имаат потреба од помош да се јават.
Лондонскиот аеродром Хитроу соопшти дека ќе биде затворен денеска до полноќ по прекинот на струја предизвикан од пожар во блиската електрична трафостаница што го снабдува аеродромот.
– За да ја одржиме безбедноста на нашите патници и колеги, Хитроу ќе биде затворен до 23:59 часот на 21 март, соопшти аеродромот Хитроу на X, додавајќи дека на патниците им се препорачува да не доаѓаат на аеродромот.
Heathrow Airport and the surrounding area has been hit by a power outage because of a fire at a substation in Hayes. The fire is around 1.5 miles from the airport. pic.twitter.com/KBIRghHtxB
— Sky News (@SkyNews) March 21, 2025
Нема официјални податоци за тоа колку летови до и од Хитроу ќе бидат откажани, но службата за следење летови FlightRadar24 проценува дека може да има најмалку 1.351.
– Овој број не ги вклучува летовите што може да бидат откажани или одложени поради тоа што авионите не се на нивните предвидени локации, додаваат од службата.
London Heathrow Airport has been closed after a massive fire at an electrical substation in nearby Hayes caused widespread power outages. pic.twitter.com/3nF7Ps5dnm
— M101 News (@M101NewsOrg) March 21, 2025
Најмалку 120 летови се веќе на пат кон Хитроу и ќе мора да бидат пренасочени.
Хитроу е најголемиот аеродром во Велика Британија, со околу 1.300 слетувања и полетувања дневно. Низ неговите терминали минатата година поминале рекордни 83,9 милиони патници.
Во меѓувреме, лондонскиот аеродром Гетвик потврди дека нуди поддршка со „прифаќање пренасочени летови како што се бара“.
– Летовите од Лондон Гетвик денеска се одвиваат нормално, додаде аеродромот.