На местото на поранешното училиште „Вера Јоциќ“ во Хиподром се гради спортски центар
Започнува изградбата на новиот спортски центар во населба Хиподром со што се исполнува уште едно ветување дадено пред граѓаните, информира градоначалникот Бобан Стефковски.
– На терен се започнати подготвителните градежни активности и наскоро ќе означиме и почетокот на градбата на спортскиот центар. На местото на поранешното училиште „Вера Јоциќ“ ќе изградиме цел комплекс на кој жителите од Хиподром ќе имаат можност да спортуваат и рекреираат – напиша Стефковски.