Мислите дека сте во средовечна криза? Доктор ни открива кои знаци може тоа да го потврдат, а и кои се најголедмите заблуди

Кои се симптомите на средовечна криза – постојат заблуди во кои многу луѓе веруваат, а треба да обрнете внимание на овие психолошки знаци!

Кога повеќето луѓе помислуваат на средовечна криза, им се појавуваат клишеа на пр., тоа е личност во доцните 40-ти или раните 50-ти, маж што купува мотор за да импресионира некого, жена која се обидува да се подмлади, прељуба.. Но, ова се сè. предрасуди кои се усвојуваат преку различни филмови и медиумски содржини. Што всушност значи средовечната криза денес?

„Толку многу се промени во нашата култура што терминот изгуби многу од своето значење“, објасни за Oprah.com д-р Вивијан Дилер, психолог од Њујорк. „Ова е делумно затоа што живееме многу подолго. Порано беше „Имам толку малку време“. Сега е „Имам уште толку време. Дали сакам да го живеам мојот живот на овој начин?

Психологот Сузан Краус Витборн силно се спротивставува на терминот „средовечна криза“ и истакнува дека попрецизна фраза може да биде „интегритет на егото“. „Ова е за справување со смртноста, вашето чувство за смисла во животот, чувството за цел, поврзаноста со другите и грижата за сопствената благосостојба“. – како што изјави таа, тоа може да се случи на која било возраст и период од животот.

Д-р Вивијан Дилер вели дека за жените, стереотипно, средовечната криза се активира со забележување на првите физички знаци на стареење во нејзиното тело, вклучувајќи сива коса, брчки и што е најважно, менопауза. Но, тоа може да биде предизвикано и од еден вид егзистенцијална дилема: прашањето која е мојата цел?

Психолошките симптоми на средовечна криза, односно ненадејна потрага по нова цел во животот и преиспитување, според психолозите, најчесто се јавуваат кога децата пораснале и го напуштиле домот или ако веќе немаме потреба да се грижиме за нашите родители. Потоа треба да најдеме нови начини да си го пополниме времето. Повеќе не сте задолжени за потребите на сите други и останувате конечно да се грижите за себе – тогаш доаѓа испрашувањето.

Психолошката криза на средната возраст често се совпаѓа со менопаузата кај жените. Како што спомна докторот, менопаузата може да дојде со голема емотивна реакција, па дури и да има форма на средовечна криза. Кога децата ќе излезат од дома, веќе имате одредена работа и кариера, подолго сте сами или со еден партнер, мислите: Морам да почнам да се подготвувам за следното поглавје од мојот живот.

Не можеме да генерализираме какви симптоми ќе има личноста за време на средовечна ктоза, бидејќи тоа зависи само од поединецот. Сепак, д-р Вивијан Дилер открива дека еден од водечките знаци може да биде „борба или бегање“. Борбата против тоа би била: Ќе направам се што можам за да го одложам процесот на стареење.“ Тоа може да вклучува пластична операција, подоцна забременување, ангажирање личен тренер за да се добие одлична форма или пробување драматична боја на коса. во овој случај, тоа е повеќе како негирање, дека промените се случуваат и може да вклучуваат реакции како што се повлекување од социјалните активности или дури и симптоми на депресија“.

Забелешка: Доколку забележите какви било промени на физичко или психолошко ниво, консултирајте се со експерт!