Мараја Кери ќе пее на церемонијата на отворањето на Зимските олимписки игри Милано-Кортина

Поп-ѕвездата Мараја Кери ќе настапи на стадионот Сан Сиро на 6 февруари на церемонијата на отворањето на Зимските олимписки игри Милано-Кортина д’Ампецо, објавија организаторите во понеделник.

Централната тема на Игрите е хармонијата, а нејзиниот настап има за цел да истакне како спортот и музиката поттикнуваат инклузивност, почит и културна размена. Мараја Кери има освоено шест Греми награди во својата кариера и е една од најуспешните музичарки во светот, со продадени 220 милиони албуми и синглови.

Церемонијата на отворањето на Зимските олимписки игри на стадионот Сан Сиро ќе биде продуцирана од миланската „Балих Вондер Студио“ и ќе настапат италијански и меѓународни ѕвезди. Зимските олимписки игри Милано-Кортина д’Ампецо ќе се одржат од 6 до 22 февруари на места во регионите на северна Италија (Ломбардија, Венето, Трентино-Алто Адиџе).