Македонските пронаоѓачи со повеќе награди на Саемот на иновации и нови технологии во Москва

Претставници од Националната асоцијација на пронаоѓачи на Македонија добија повеќе награди за патентите со кои се претставија на 24-тиот Меѓународен саем на иновации и нови технологии „АРХИМЕДЕС“, кој се одржа во Москва во организација на Архимед клуб.

Во конкуренција на 600 патенти од 19 држави од сите континенти и 34 региони, кои добиле право да учествуваат на овогодинешниот саем, нашите претставници освоија повеќе награди меѓу кои два Златни медали од стручното жири, информираат од Националната асоцијација на пронаоѓачи на Македонија – НАПМ.

Драган Јованов за неговиот патент „Агрофито тоник“ е добитник на Златен медал (од стручното жири), Пехар за најуспешен млад научник од областа и Златен медал (специјална награда од партнерот на саемот).

Борис Дескоски за неговиот патент „Електронски стап за слепи лица“ е добитник на Златен медал (од стручното жири) и Златен медал од сојузот на пронаоѓачи од Руска Федерација (Севастопол).

Нашите претставници, се вели во соопштението, добиле и повеке специјални награди (дипломи) од престижни руски универзитети, додека нивните патенти предизвикале голем интерес кај посетителите, и стручните фели.