Македонската компанија „Брансис“ на најголемиот саем за иновации во Лас Вегас
Македонската компанија „Брансис“ ДООЕЛ Скопје ќе учествува на годинашниот саем за иновации во Лас Вегас (ЦЕС) што ќе се одржува од 5-7 јануари.
Како што информираат од „Брансис“, CES 2022 ќе го прикаже новиот бран иновации кои ќе ги обликуваат 2022 година и идната економија, а ќе биде во хибридна форма со оглед дека нуди и дигитална верзија https://www.ces.tech/.
-На саемот изложуваат многу светски познати компании кои унапредуваат два од најактуелните технолошки мегатрендови: интелигентна автоматизација и еволуција на метаверзумот. Не е изненадувачки што медицинската технологија ќе биде во фокусот и оваа година. Но, како и секогаш, најраспространети и во центарот на вниманието на настанот се автомобилската технологија и иновативните гаџети, наведуваат од „Брансис“ и додаваат дека на саемот ќе учествуваат повеќе од 1 900 изложувачи со врвни светски технолошки иновации.
Иновативната IoT платформа развиена од „Брансис“, која ќе биде претставена оваа година на CES, е целосно автоматизирано решение и ќе им овозможува на компаниите без грешки да ја следат целата својата опрема, алати, средства, контејнери и возила.
„Брансис“ ги повикува и остатаните технолошки компании од земјава да се регистрираат и да се придружат на штандот на Bransys 9656 во Лас Вегас за да ги дознаат најновите трендови и Internet-of-Things иновациите. Компаниите можат да закажат и бесплатна демо презентација со експертскиот тим на „Брансис“ преку [email protected].
На CES 2022 се очекува физички, директно, да присуствуваат над 2 000 изложувачи.