Мадуро се пофали со нов мобилен телефон: „Ми го даде Си. Дури ни грингосите не можат да го прислушкуваат“
На прес-конференција во Каракас, венецуелскиот претседател Николас Мадуро покажа автомобил од марката Хуавеи за кој рече дека е подарок од кинескиот претседател Си Џинпинг.
Тој го нарече „најнапредниот и најбезбеден телефон во светот“, отпорен на какво било прислушкување, дури и преку сателит. „Дури ни грингосите не можат да го прислушкуваат“, рече Мадуро, осврнувајќи се на Американците.
Во исто време, тензиите меѓу Венецуела и САД растат. Вашингтон испрати седум воени бродови, подморница и околу 4.500 маринци во јужниот дел на Карипското Море.
Venezuelan President Nicolas Maduro shows off his mobile phone, a Huawei gifted by his Chinese counterpart Xi Jinping, which he says, “can’t be tapped.”#Venezuela #Maduro #China #Caracas pic.twitter.com/Mk2djYnnmR
— Al Arabiya English (@AlArabiya_Eng) September 2, 2025
Американските власти тврдат дека станува збор за операција насочена против нарко-картелите. Мадуро, сепак, вели дека ова е отворена закана за неговата влада и обид за промена на режимот.
„Ова е најголемата закана на континентот во последните сто години. Венецуела е мирна земја, но ние ќе се браниме од секоја закана“, рече Мадуро.
Венецуелските власти објавија мобилизација на 15.000 војници на западната граница и ја повикаа цивилната милиција во состојба на готовност.