Кој е Аслан Карацев, тенисерот што ќе игра во полуфиналето со Новак Ѓоковиќ?

Карацев беше 114. на светската листа пред да дојде во Мелбурн. Неговите форхенди и бекхенди се импресивни. Досега тој има заработено само 800.000, а Ѓоковиќ 181 милион долари

Аслан Карацев е по малку бизнисмен. Не е само по начинот на кој ја запетлува маицата речиси до вратот, туку и ефикасното кревање на левата нога при враќање назад. Нетрпеливоста да се заврши брзо и брзиот удар на прстите кога ќе го стори тоа. Ладење на пиштолот што чади, подготвен за следната рунда.

Се разбира, малата публика пуштена да се врати во арената „Род Лејвер“ во четвртокот навечер нема да знае премногу за овие тенденции, бидејќи овој Русин досега не бил на радарот.

Дури и Новак Ѓоковиќ веројатно сè уште ги проучува идиосинкразиите на неговиот противник во полуфиналето на Австралија опен, прашувајќи се како овој квалификант стигнал до овде, кога грен слемовите историски се нељубезни кон неискуство.

Оние што не играле со него, кои едноставно можат да му се восхитуваат од далечина, се подеднакво збунети и маѓепсани од овој човек по име Аслан, со мускулите и магијата исто толку митски, како и неговиот истоименик Нарниа. Тој беше речис смачкан Феликс Ожер-Алисиме но воскресна од мртвите за победа во пет сета во четвртото коло. Тој направи полесна работа со непријатниот ривал во четвртфиналето Григор Димитров на пат да стане првиот човек во ерата на Опен – во повеќе од половина век – кој стигнал по последните четворица кога дебитирал на еден грен слем.

Кој е овој номад од подножјето на кавкаските планини, чие еврејско наследство ги однесе него и неговото семејство во Тел Авив како бебе, и кој оттогаш живееше во Русија, Германија, Шпанија и Белорусија? „Премногу се движев“, рече тој во вторникот вечерта откако го победи Димитров. Има смисол Минск, каде минатата година се пресели да работи со новиот тренер Јахор Јацик, конечно да му стане дом.

Пред Ковид-19, Карацев имаше освоено само еден од неговите 93 турнири. Од продолжувањето на турот во август, тој победи на 26 од 32 натпревари. Сега, како светски број 114, Карацев е најслабо рангиран човек кој стигнал до полуфиналето на Австралија опен од Патрик Мекинро (исто така бр. 114) во 1991 година, и најнизок за пласман на фајнл-фор од сите грен-слемови од Горан Иванишевиќ (број 125), кој го освои Вимблдон со покана за учество во 2001 година.

Му беа потребни 10 квалификациски обиди само за да влезе во главната ждрепка на еден грен-слем. 27-годишниот тенисер не беше победил тенисер од топ-40 до пред една недела. Пред пет дена тој го зеде „скалпот“ на првиот од топ-10 – во третата рунда во три сета го победи осмиот носител и светски број 9 Диего Шварцман. Сега тој ќе зјапа во светот бр. 1.

Ѓоковиќ позираше со трофејот на Австралија опен осум пати на арената „Род Лејвер“, додека Карацев играше на главниот терен во Мелбурн само еднаш – пред 48 часа. Подеднакво апсурден е и диспаритетот помеѓу нивните коефициенти на победи-порази на АТП-турнејата. Бројката на Ѓоковиќ пред турнирот беше 936-192; Карацев имаше 3-10. Србинот има освоено 188 милиони долари 81 професионални титули, додека вкупната заработка на Карацев е помалку од 800.000 долари. Дури и да го загуби полуфиналето, тој ќе го зголеми двојно повеќе од тоа што го заработил досега.

Овој зачудувачки тек можеби не е доволен за да го вознемири Ѓоковиќ, но тој скоро сигурно ќе биде претпазлив за опасноста од субјект далеку помалку предвидлив отколку на оние на кои се навикнал. „Многу силно момче физички, се движи добро“, рече Ѓоковиќ. „Има многу огнена моќ од задниот дел на теренот, одличен бекхенд – руската школа за тенис“.

Форхендите и бекхендите на Карацев беа побрзи, во просек, од кој било друг натпреварувач во осминафиналето – вклучувајќи го и Рафаел Надал. Тој е момче со висок ризик и со голема награда.

Карацев не го одигра својот прв натпревар на АТП-турнејата се до 2012 година, кога имаше 19 години. Ѓоковиќ имаше 20 години кога го освои својот прв грен слем, на Австралија опен во 2008 година. Навистина, Карацев не играше над нивото на АТП 250 сѐ до 2019 година, кога го победи Џереми шарди во првото коло на АТП Мастерсот 1000 во Шангај. Во 2020 година, тој се искачи за речиси 200 места, на највисокиот пласман во кариерата – 111.

 „Се обидувам да верувам во тоа што го работам на теренот и ми помогна да победувам на натпревари“, рече Карацев. „Пристигнувам на теренот и велам: ‘Се обидувам да дадам сѐ од себе со повеќе верувања’. Клучот е во тоа што го најдов вистинскиот тренер. Имав навистина среќа да го најдам“.

Верувањето можеби не е доволно против Ѓоковиќ, човек со 17 грен-слем титули, иако постои тоа досадно истегнување на стомакот. „Никогаш не сум доживеал ваква повреда за време на еден грен слем и да продолжува“, рече Ѓоковиќ.

„Имам ролеркостер на овој турнир уште од третото коло и повредата што се случи, и непредвидливоста што ќе се случи следно. Тој [Карацев] навистина нема што да изгуби. Тој е мотивиран. Очекувам да излезе и навистина да се обиде да удира и да се обиде да го даде најдоброто и да се обиде да ја однесе таа победа“. (Гардијан)