Кели Ортберг доаѓа на чело на Боинг

Кели Ортберг, поранешен извршен директор на Роквел Колинс, го презема раководството на американскиот производител на авиони Боинг.

Името на новиот извршен директор Боинг го објави откако ги објави оперативните резултати кои покажаа дека загубата се продлабочила на 1,4 милијарди долари во вториот квартал од оваа година од 149 милиони долари минатата година.

Ортберг го презема раководството на Боинг во време кога компанијата се обидува да застане на нозе откако авионите на компанијата беа вклучени во бројни инциденти.

„Ортберг е искусен лидер кој е длабоко почитуван од воздушната индустрија“, рече Боинг.

Тој на 8 август ја презема должноста претседател на управниот одбор. Тој ќе го наследи Дејв Калхун, кој ја води компанијата од 2020 година, пренесува француската новинска агенција АФП.

Боинг денеска ги објави кварталните оперативни резултати кои открија голема загуба. Приходите се намалени за 14,6 отсто на 16,9 милијарди долари во вториот квартал.