Како изгледа внатрешноста на Гига фабриката на „Тесла“ во Шангај

Компанијата „Тесла“ неодамна објави видео од внатрешноста на нејзината Гига фабрика во Шангај. Промотивното видео нуди поглед на многуте автоматизирани линии за моделите Y и Model 3 EV. Фабриката од 9,3 милиони квадратни метри се наоѓа во Линганг, што е малку повеќе од еден час југоисточно од Шангај.
Видеото првично беше објавено на кинеската платформа за социјални медиуми Weibo, но беше потоа преобјавено на YouTube од трета страна. Описот на видеото е преведен како: „Тесла е повеќе од збирот на неговите делови, бидејќи имаме ригорозна контрола на квалитетот и став“.
Снимките кои брзо се менуваат започнуваат со втиснување на челик во панели за каросеријата, проследено со снимки од шасијата и телото што се движат по автоматизирани платформи за склопување. Додека некои делови се слични на било фабрика за автомобили, како што се нанесувањето боја или вклопување на телото врз шасијата, се забележуваат и процеси што ретко се гледаат. Тие вклучуваат склопување на батериските пакети, односно составување на LG Energy ќелии и конструкција на електричните мотори.
Потоа, се преминува на контрола на квалитетот, при што има посебно видео. Таму, се гледаат рендгенски зраци, ласери и некои прилично фенси клучни вртежни моменти што проверуваат низ рамката и телото. Има дури и тест за вода за протекување и тест за чад каде се пумпа облак во внатрешноста за да се провери херметичноста на кабината.

Конечно, време е аввтомобилот да се вози на мал тест курс, при што меѓу другото има нерамнини, како и дел во кој тест возачот е принуден да управува со електричниот автомобил низ 20 сантиметри вода.
Со оглед на тешкото време за Тесла во Кина во последниот период, не е изненадувачки што можеби ќе сакаат да ја нагласат контролата на квалитетот. Гига фабриката во Шангај е една од најголемите фабрики за електрични автомобили во светот, со неделна цел од околу 5.000 автомобили и годишно производство од околу 250.000.