Јанша може да го одложи објавувањето на новата Европска комисија за две недели

Словенија може да го одложи објавувањето на новата Европска комисија до две недели, бидејќи лидерот на опозицијата го спречува датумот за расправа и одобрување во собраниската комисија на Марта Кос. Ова е новиот предлог за еврокомесар кој доаѓа на местото на Томаж Весел. Урсула фон дер Лајен требаше да ги претстави еврокомесарите во средата, но го одложи тоа  за 17 септември.

Проблемот во Словенија доаѓа од Јанез Јанша – поранешен премиер, соработник на Виктор Орбан, отворен поддржувач на Доналд Трамп и член на Европската народна партија. Претседател на комисијата е неговиот сојузник Франц Брезник и сака да го види писмото на Фон дер Лајен до премиерот Роберт Голоб. Опозицијата се обидува да ја натера администрацијата да признае дека Весел не сакал да се повлече и бил принуден од Голоб под притисок на Брисел, објави „Политико“.