Излезноста во Брвеница и Кичево до 15 часот е зголемена во однос на првиот круг

Во двете општини каде се водат неизвесни битки за градоначалник во вториот круг излезноста е прилично зголемена. Во Брвеница, општина покрај Тетово, таа е зголемена за 10 отсто. Пред две недели излезноста до 15 часот изнесуваше 30, 55 отсто, а денеска 40,83 проценти.

Во Кичево на 19 октомври излезноста до 15 часот беше 36,22, а денеска 40,06 отсто.

За разлика од тие две општини во некои каде исто така се водат неизвесни битки за градоначалник, излезноста е намалена. Така, во Куманово пред две недели излезноста до 15 часот беше 27,79 отсто, а денеска 22,1.

Минимално е намалена и излезноста во Струга.