Италија прогласена за „земја на годината“ од Економист

Под водство на премиерот Марио Драги, Италија е прогласена за земја на годината за 2021 година од страна на Економист. Весникот ги фали неговите реформи и лидерски квалитети, но стравува дека ако тој стане претседател, „може да биде наследен од помалку компетентен премиер“. Според новинарите на Економист, Драги е почитуван и компетентен премиер, а владата добро го спроведува националниот план за закрепнување.

„ За првпат големо мнозинство од италијанските  политичари ги закопаа своите разлики за да ја поддржат програмата за темелни реформи што треба да значи дека Италија ги добива средствата на кои има право според планот на ЕУ за закрепнување по пандемијата“, пишуваат медиумите. 

Економист, исто така, ги истакна одличните резултати од кампањата за вакцинација во Италија.

Според владините податоци објавени во четвртокот, околу 47,7 милиони луѓе или 88,37% од населението на возраст од 12 и повеќе години веќе примиле најмалку една доза, при што околу 46 милиони или 85,17% го завршиле целосниот циклус на вакцинација. Досега, околу 13 милиони луѓе или 63,98% од оние кои ги исполнуваат условите за засилување го примиле.

Бројот на вакцинирани луѓе, исто така, се очекува да порасне од четврток, бидејќи Италија ја прави вакцината  на Фајзер за децата од возрасната група 6-11 години.

„Процентите на вакцинација се меѓу највисоките во Европа. По предизвикувачката 2020 година, нејзината економија закрепнува побрзо во споредба со Франција и Германија“, пишува весникот.

На почетокот на 2022 година, Домот на пратеници и Сенатот ќе го изберат следниот претседател, а Драги останува потенцијална опција.