Исчезна двегодишно девојче во Србија, активиран е системот „Најди ме“ – снимена е како паѓа

Системот „Најди ме“ е активиран вечерва во Србија поради исчезнувањето на двегодишното девојче Дуња Марковиќ.

Според веб-страницата „Најди ме“, двегодишно девојче исчезна денеска околу 14 часот пред зградата во која живее во градот Уб (западна Србија), на улица „8 Март’ бр.6.

Според последните информации од српските медиуми, моментот на исчезнување на девојчето е снимен на камера.

Имено, камера лоцирана на куќа на соседот го снимила девојето во моментот на нејзиното исчезнување – Дуња трчала низ овоштарникот, а потоа паднала. Поради оваа снимка, пријателите и семејството се сомневаат дека девојката можеби паднала во дупка.

Дуња има кафена коса, кафени очи и е висока околу 100 сантиметри.

Во моментот на нејзиното исчезнување, таа носеше сива тренерка и дуксер.

Во моментот на нејзиното исчезнување таа беше со нејзините постари браќа, момчиња од прво и второ одделение.

Исчезнувањето го забележа мајката, околу 17:00 часот, кога се врати од работа. Децата си играа на песок, пишува „Телеграф“.

Доколку имате информации за исчезнатото девојче, веднаш јавете се на 192, апелираат од српското МВР.