Илјадници Руси заглавени во Тајланд заради санкциите
Тајланд – Илјадници туристи од Русија во моментов се заглавени во Тајланд, изјавија официјални лица во вторникот, бидејќи санкцииите од Западот поради инвазијата на Украина ги натера Русите да се снаоѓаат за летови и финансии.
Откажувањето на летови, валутата на рубљата во слободен пад и проблемите со плаќањето од руските банки кои се отсечени од глобалниот систем SWIFT оставија повеќе од 7.000 Руси во неизвесност на локации како Пукет, Кох Самуи, Патаја и Краби, рече шефот на туристичката управа на Тајланд.
„Мораме да бидеме добри домаќини и да се грижиме за сите“, изјави Јутасак Супасорн за Ројтерс.
„Сè уште има руски туристи на нивниот пат овде“, додаде тој.
Руската амбасада во Бангкок не одговори веднаш на барањето за коментар на нејзините граѓани.
Во 2019 година, Тајланд прими 1,4 милиони руски посетители. Во јануари броеше околу 23.000 Руси, што претставува околу една петтина од вкупните пристигнувања.
Околу половина од блокираните беа на островот Пукет.
„Побаравме од хотелите да ги намалат цените и да го продолжат престојот“, рече претседателот на туристичката асоцијација на Пукет, Бумикити Руктаенгам.
Некои посетители, кога можеа, го користеа кинескиот UnionPay откако престанаа да работат картичките издадени од руски банки кои ги користеа американските платежни фирми Visa и Mastercard, рече тој.
Visa и Mastercard во саботата објавија дека ги прекинуваат операциите во Русија поради нејзината инвазија на Украина. Русија своите дејствија таму ги нарече „специјална операција“.
Иако Тајланд беше меѓу 141 земја што ја поддржа резолуцијата на Обединетите нации со која се повикува на итно повлекување на руските трупи, тој не воведе никакви санкции за Москва.
Бумикити рече дека стотици луѓе од Украина се исто така блокирани, главно поради затворањето на аеродромите таму.
Тој рече дека се прават напори заглавените Руси на летови за Москва со авиокомпании од Блискиот Исток и да се организираат летови за репатријација.
Се разгледуваше предлог да се дозволи употреба на криптовалути за плаќања во хотели, летови и други бизниси во Пукет, рече тој. (Ројтерс)