И тоа е можно: Лукашенко рече дека белоруската диктатура е подобра од украинската демократија

Претседателот на Белорусија, Александар Лукашенко, изјави дека „да се има диктатура како Белорусија е подобро отколку да се има демократија како Украина“. Оваа бизарна изјава ја дал при посетата на црквата во Логојска, во регионот на Минск, на православниот Божиќ, 7 јануари, пренесува БелТА.

Зборувајќи за развојот на Белорусија во контекст на различни надворешни предизвици, Лукашенко истакна дека сите овие години „оделе по тенок мраз, но никогаш не го пробиле мразот или не паднале во горчливо студена вода“. Тој го нарече овој успех клучното достигнување на неговата земја.

Лукашенко ги коментираше и актуелните глобални тензии.

„Секаде се случуваат проблеми… Земјоделците уриваат, фрлаат ѓубриво на владите. Се водат војни и сите се вооружуваат. Но, овој мал остров го чува мирот. Мислам дека не е толку мал, но е остров. И знаете, тоа им смета на нашите странски злобници. Дакаат да нé вовлечат во оваа војна. Зошто Зеленски постапува така? Некогаш бевме во добри односи. Моето семејство и јас исто така. Зошто лае сега? Што му недостасува? Добива наредби да направи сè за земјата да ја вовлече во војна“, порача белорускиот претседател кој често го нарекуваат последниот европски диктатор.

Лукашенко предупреди на потенцијалните последици од војна за Белорусија.

„Ако се вклучиме во војна, ситуацијата ќе биде тешка. Можеби нема да преживееме како држава. Затоа правам сè трпеливо и упорно, како што нè учат Бог и црквата. Времето ќе постави сè на свое место и ќе го процени секого. Но, ние мора да издржиме. Можеби велат дека имаме диктатура. Слушнете, да се има диктатура како Белорусија е подобро отколку да се има демократија како Украина. Мора да издржиме. Никогаш не смееме да потклекнеме„, рекол Лукашенко.

На крајот Лукашенко спомнал и дека претседателот на Украина, Зеленски, неодамна извикал:

„Да живее Белорусија!“. „Па, таа живее. Секако дека живее. Искрено, рече дека овој слоган наскоро ќе се слуша ширум Белорусија. Како да наговестил дека ситуацијата во Белорусија ќе биде како во Украина. Тоа помислив кога го слушнав. И помислив: сочувај нè Боже“, заклучува Лукашенко.