Хопфилд и Хинтон добитници на нобеловата награда за физика за методите за машинско учење

Шведската кралска академија на науките одлучи да ја додели Нобеловата награда за физика за 2024 година на Џон Ј. Хопфилд и Џефри Е. Хинтон „за основни откритија и пронајдоци кои овозможуваат машинско учење со вештачки невронски мрежи“.

Овогодинешните лауреати по физика Џон Хопфилд и Џефри Хинтон користеа алатки од физиката за да конструираат методи кои помогнаа да се постават темелите за денешното моќно машинско учење. Хопфилд создаде структура која може да складира и реконструира информации. Хинтон измислил метод кој може самостојно да открие својства во податоците и кој стана важен за големите вештачки невронски мрежи кои сега се користат.

Иако компјутерите не можат да размислуваат, машините сега можат да имитираат функции како меморија и учење. Добитниците на Нобеловата награда за физика за 2024 година помогнаа да се овозможи ова. Користејќи ги основните концепти и методи од физиката, тие развија технологии кои користат структури во мрежи за обработка на информации.