Холивудските ѕвезди собраа 28 милиони долари за кампањата на Бајден
![](https://nezavisen.mk/wp-content/uploads/2023/05/Biden-shows-support-for-free-press-at-White-House-Correspondents-dinner.jpg)
Голем број холивудски ѕвезди, меѓу кои и Џорџ Клуни и Џулија Робертс на синоќешната донаторска вечера за кампањата на претседателот Џо Бајден собраа 28 милиони долари.
Тоа е најголема сума во историјата собрана за некој демократски кандидат.
Донаторската вечера се одржа во театарот Пикок во Лос Анџелес, а водителот на емисијата „Лејт најт“ (Late night), Џими Кимел, ги интервјуираше Бајден и поранешниот претседател Барак Обама, кои ја истакнаа потребата да се победи поранешниот претседател Доналд Трамп.
Julia Roberts e George Clooney, co-presidentes da grande arrecadação de fundos para Biden em Los Angeles, com os presidentes Biden e Obama.🤔 pic.twitter.com/kuQ6k8j1bb
— André GAP 🇧🇷 (@AndreGA_Pe) June 16, 2024
Бајден истакна дека за време на неговиот претседателски мандат „усвоен е секој главен закон што бил планиран“. Додека Обама изрази восхит за сеопфатната легислатива за здравствена заштита, јавни работи, животна средина, новите технологии, безбедноста на оружјето и другите големи иницијативи што ги спроведува сегашната администрација.
Трамп синоќа беше во Детроит и ја критикуваше економската политика на Бајден.