Голем пожар синоќа избувна во Нови Сад – „Се слушнаа детонации“ (видео)
Синоќа околу 22 часот голем пожар избувна во индустриска зона во Нови Сад, а според неофицијални информации нема повредени, јавува 021.rs.
Интервенираа пожарникари од Нови Сад и од целиот Јужнобачки округ, кои го изгаснаа пожарот со помош на ДВД-а и јавните противпожарни служби.
Според 021, наводно се слушнале детонации, а жителите на Нови Сад добиле СМС предупредување да не излегуваат од своите домови.
Секторот за вонредни ситуации издаде предупредување. Поради пожарот и големите количества чад не излегувајте од објектите додека не помине опасноста“, се наведува во предупредувањето.
View this post on Instagram
Некои граѓани добија и СМС порака со иста содржина. Вакво предупредување за првпат добија жителите на Нови Сад.
View this post on Instagram
За пожарот се огласи и новиот градоначалник на Нови Сад, Жарко Миќин, кој соопшти дека МВР преку нов систем за известување за итни случаи ги предупреди граѓаните дека поради пожарот и големите количества чад да не ги напуштаат зградите додека не помине опасноста.
Тој најави дека Институтот за јавно здравје ќе го мери секое загадување на воздухот.
Засега не се знае што имало во зградата која се запалила, ниту што го предизвикало пожарот.