Годинава сите политичари ќе го слават Илинден во Крушево

30/07/2021 14:35
 

Претседателот Стево Пендаровски од оваа година воведува нов концепт за прослава на 2 Август и наместо одделни чествувања на претставниците на државниот врв, сите да се соберат во Крушево. Новост е исто така што годинава претседателот наме да има говор, туку двеминутно видеообраќање. Чествувањето ќе биде после 18 часот за да можат да дојдат и претседателот на Собранието Талат Џафери, кој според системот на ротација годинава треба да биде на одбележувањето на празникот во Скопје, и премиерот Зоран Заев, кој ќе биде во Пелинце. Исто така, Пендаровски ги поканил во Крушево и сите лидери на политички партии, Христијан Мицкоски, Зијадин Села, Африм Гаши  и Димитар Апасиев, а присуството го потврдил само Али Ахмети. Ова ќе биде првпат лидерот на ДУИ да присуствува на прославата на Илинден во Крушево.

На манифестацијата поканет е и добитникот на олимпискиот медал Дејан Георгиевски. Тој заедно со Пендаровски и со неговите теренери треба да оди напред на колоната.

Според најавите од кабинетот на Пендаровски, програмата ќе почне со читање на илинденски пораки и Крушевскиот манифест. Пораките ќе ги чита актерот Никола Ристановски, потоа ќе настапи Влатко Стефановски. По нив следуваат настапите на Танец, на Албанскиот ансамбл и на Воениот оркестар.

Идејата е сите политичари да дојдат во Крушево, да нема поделби и тоа да биде симболичен чин на обединување.Според досегашната практика, претседателот на државата, претседателот на Собранието и премиерот ротираа секоја година во Крушево, во Пелинце и во Скопје.

Во Крушево на Мечкин Камен нема да има политички готовори за да би се избегнале сите оние исвиркувања и случувања кои се случувале во минатото.

Поврзани содржини

Мицкоски тврди: Заради ДУИ 150.000 Албанци се иселиле од Македонија
Десетина дена пред конгресот Филипче постави привремени раководства на СДСМ во повеќе градови
Спасовски за отказите: Тошковски прави чистка во МВР!
Петнаесет полициски функционери од претходната власт добиле отказ во МВР
Извршниот комитет на ВМРО-ДПМНЕ цела ноќ расправал за избори
„Немој да го употребиш тој збор“: Инцидент на Комисијата за финансирање и буџет, седницата прекината
Обвинителите и судиите побараа повеќе пари од буџетот, Стојановски од ВМРО-ДПМНЕ им порача дека толку заслужуваат
Филипче: Одржаа 10 прес конференции за функционерските возила, а сега ќе купат 75 отсто повеќе

Најчитани