Франција обвини над сто компании дека се договориле да ги кријат хемикалиите во производите

Франција обвини повеќе од 100 компании, вклучително и единици на Нестле СА, дека се договориле да не соопштуваат информации на потрошувачите за присуство на хемикалии во пакувањата на производите, за која некои научници велат дека може да бидат штетни.

Францускиот орган за конкуренција доцна во вторникот соопшти дека испратил приговор, што е еден вид обвинение, до 101 компанија и 14 трговски здруженија, наведувајќи дека сите тие „се согласиле да не комуницираат за присуството или составот на одредени материјали во пакувањата на храна, на штета на потрошувачите“.

Француските власти не ги именуваа компаниите или трговските здруженија, но Нестле во средата рече дека некои од нејзините подружници се вмешани.

„Компанијата не се согласува со овие наводи и енергично ќе ги оспори“, порачаа од  Нестле.

Обвинувањата се однесуваат на присуството на бисфенол А, или БПА, кој се користи за да се направи тврда пластика и се појавува внатре во метални лименки и во врвовите од шишињата. Исто така се наоѓа во производи како ЦД -а, шлемови за велосипеди и очила за сонце.