Фолксваген во Германија ги зголемува цените на речиси сите свои модели на мотори со внатрешно согорување

Фолксваген одлучи да ги зголеми цените на повеќето модели на бензин и дизел во Германија. Од 12 септември цените се зголемуваат од 2,1 на 4,2 отсто.

Ова е второ поскапување за моделите на Volkswagen со SUS мотори во Германија, откако сличен потег беше направен во пролетта 2023 година. Целата палета на модели за 2025 година ќе биде поскапа, исклучок е Polo. Според германскиот магазин kfz-betrieb, локалните дилери биле известени со писмо.

Најмало поскапување ќе има Crossover Taigo од 490 евра, додека промената на цената најмногу ќе ја почувствуваат купувачите на теренецот Touareg бидејќи ќе биде поскап за 2.490 евра. Популарниот хечбек Golf ќе биде поскап за 4,2 отсто или 1.150 евра.

Volkswagen не застана само на зголемување на цените на автомобилите, туку ги зголемува и цените на дополнителната опрема како што се панорамски покрив, резервно тркало, подобрен инфозабавен систем, head-up дисплеј и други опционални пакети и услуги.

Зголемувањето на цената доаѓа во време кога Фолксваген се соочува со финансиски предизвици и можно затворање на германските фабрики поради слабата продажба на автомобили. Ситуацијата е полоша од пред неколку месеци.

Од друга страна, цените на електромобилите од семејството ИД нема да поскапат, барем не засега, но не е исклучено ниту тоа.