Финската премиерка  Сана Марин ќе ја претставува Шведска на самитот на ЕУ

Шведскиот премиер Стефан Лeвен ќе го пропушти состанокот на Европскиот совет што се одржува денеска и утре за да присуствува на погребот на неговата мајка, јавува новинската агенција ТТ.

Премиерката на Финска, Сана Марин, ќе се вклучи во негово име и ќе ја претставува Шведска на самитот, бидејќи само на шефовите на држави или влади им е дозволено да присуствуваат на состаноците на Европскиот совет. Шведскиот министер за ЕУ, Ханс Далгрен, сепак, ќе биде во Брисел.

Марин и Левен се географски и идеолошки соседи – и двајцата ги водат социјалдемократските партии на нивните земји.

Првично закажан за 24-25 септември, состанокот беше одложен затоа што претседателот на Европскиот совет Шарл Мишел мораше да оди во карантин како мерка на претпазливост за корона вирус.

Лидерите на ЕУ треба да разговараат за односите на блокот со Турција и Кина, ситуацијата во Белорусија и труењето на рускиот опозициски лидер Алексеј Навални, покрај еди