Ферус Мустафов се бори за живот: Се огласи неговиот внук

Легендарниот македонски кларинетист и саксофонист Ферус Мустафов (1950, Штип) е хоспитализиран и се бори за живот. Ова на социјалните мрежи го откри неговиот внук Ферчо Мустафов.

„До сите мои пријатели и колеги. Мојот дедо Ферус Мустафов не е починат. Точна е информацијата дека се наоѓа во болница и дека се бори за својот живот. Да се помолиме за негово здравје! Ви благодарам во името на фамилија Мустафови за поддршката и вниманието“, напиша тој на Фејсбук.

Пред два месеца Ферус гостуваше во подкастот на јутјуберот Стефан Лазаров и зборувајќи за  Милан Завков кој ненадејно почина во февруари емоциите до толку го совладаа што се расплака среде интервју.

„Единствен човек кој беше и музичар и човек. Не се раѓа таков. Милан беше со мене 15 години по турнеи, сите проекти ги снимивме заедно“, раскажа Мустафов во шоуто на Лазаров.

Неговата професионална кариера започна на седумнаесетгодишна возраст, додека студирал виолина и кларинет во локална музичка академија. За тоа време, тој бил поканет да оди на турнеја со група предводена од Тома Чрчев, а успехот на турнејата го натерал да се откаже од академското учење за да стане професионален музичар.

По една година воена служба тој се пресели во Сараево, БиХ, каде ја презеде водечката улога во експлозијата на популарноста на народната музика што се случуваше таму во тоа време. Подоцна стана директор за музичко програмирање на ромски јазик за Радио телевизија Скопје и се здоби со меѓународна публика преку изданијата на албумите на светските музички записи како што се Глобус Стил и Тропски. Настапуваше во голем број земји во светот и снимил десетина албуми, главно со инструментални композиции.