„Ферари“- Патрик Демпси има руса коса заради новата улога

САД- По Патрик Демпси сеновиве се вртат сите глави заради својот нов изглед.

56-годишниот актерја покажа својата блескава руса коса додека присуствуваше на Дизни Експо D23 во Анахајм, Калифорнија.

Ѕвездата на „Grey’s Anatomy“ изјави за Variety додека беше на црвениот тепих дека се очекува да ја задржи русата коса „уште неколку месеци“ додека го снима својот нов филм „Ferrari“. Во претстојниот биографски филм, актерот го игра италијанскиот возач на тркачки автомобили Пјеро Таруфи.

„Го сакам, одлично е. Забавно е да се направи нешто различно“, рече актерот. „За жал, или за среќа, познат сум по мојата коса. Значи, ова навистина потресе многу луѓе, тие не знаат како да го прифатат“.

Додавајќи: „Или ја сакаат или ја мразат“.

Демпси ужива во својот нов изглед и ги охрабри луѓето да ризикуваат со својата коса.

“Ми се допаѓа. Обои ја косата, забавувај се. Русокосите повеќе се забавуваат, морам да ви кажам, вистина е“, додаде тој. „Јас сум во Италија, возам тркачки автомобили. Значи, не можам да се пожалам“.

„Ферари“ ја раскажува приказната за италијанскиот претприемач за спортски автомобили Енцо Ферари. Адам Драјвер го  глуми Ферари, а Пенелопе Круз ја игра неговата сопруга Лаура Ферари. Шејлин Вудли, Џек О’Конел и Сара Гадон заедно глумат.

Додека присуствуваше на настанот на Дизни, Демпси стана легенда на Дизни и се приклучи на програмата „Куќата на славните“ која оддава признание на поединци кои дале извонреден и интегрален придонес за компанијата Волт Дизни.

„Многу ми е чест што станав легенда на Дизни денес – ви благодарам Боб Чапек и @disneyd23“, напиша актерот на својот Инстаграм, објавувајќи црно-бела фотографија на која одлично ја покажа неговата бела коса.
Актерот исто така ја повторува улогата на Роберт Филип во продолжението на „Enchanted“, „Disenchanted“.