Фатих Шахбаз е нов главен извршен директор на Халкбанк АД Скопје

Д-р Фатих Шахбаз е назначен за нов Главен извршен директор на Халкбанк АД Скопје, соопштија од банката. Народната банка даде одобрение за назначување на новиот директор, кој Банката ќе ја води во следниот период. Шахбаз e искусен професионалец кој зад себе има повеќе од две децении богато искуство во банкарскиот сектор.

Д-р Шахбаз својата кариера ја градел во рамките на Türkiye Halk Bankası A.Ş., каде последователно извршувал различни значајни функции, од специјалист, внатрешен инспектор, директор и раководител на филијала, до менаџер на оддел и директор на група. На 1 декември 2022 година бил назначен за заменик генерален директор задолжен за Управување со човечки ресурси и Секторот за поддршка, а од 17 јули 2025 година ја извршувал функцијата заменик генерален директор задолжен за Управување со поддршка и Дигитална трансформација.

Неговото академско образование, богато професионално портфолио и долгогодишната експертиза како и искуството во менаџирање со клучни сегменти од банкарското работење, претставуваат силна основа во понатамошниот развој и водење на Халкбанк во Македонија, се вели во соопштението до медиумите.