Европското учество во извозот на руската нафта и гориво падна на 5 отсто

Русија очекува дека извозот на нафта и нафтени деривати во Европа ќе сочинува најмногу четири до пет отсто од вкупните испораки во 2023 година, изјави вицепремиерот на руската влада Александар Новак.

Претходно испорачавме 40 до 45 отсто од нафтата и нафтените деривати во Европа, а оваа година очекуваме таа бројка да не биде поголема од четири до пет отсто од вкупниот извоз, рече Новак, според извештајот на новинската агенција ТАСС.

Улогата на главните извозни дестинации во сегашните услови ја презедоа Кина и Индија, додаде министерот, посочувајќи дека уделот на Кина во извозот е од 45 до 50 проценти.

Извозот во Индија, од друга страна, силно пораснал, тврди руски функционер.

Порано речиси никогаш не извезувавме во Индија, но во изминатите две години вкупниот удел во извозот во Индија се зголеми на околу 40 отсто, рече Новак.