Европа на раскрсница, ќе мора да избере помеѓу развојот на вештачката интелигенција и климатските амбиции

Денес, Европа се соочува со клучна одлука дали да се приклучи на глобалната трка за развој на вештачката интелигенција или да продолжи да остане посветена на своите главни климатски цели, предупредуваат експертите анкетирани од Си-Ен-Би-Си.

Инвеститорите и менаџерите на фондови предупредуваат дека енергетските регулативи и амбициозните климатски планови го отежнуваат брзото развивање на инфраструктурата потребна за вештачката интелигенција, додека другите глобални сили брзо ги прошируваат своите капацитети.

Проблемот е дополнително усложнет од задолжителните упатства за користење на зелена енергија, кои го забавуваат отворањето на нови центри за податоци поради потребата од известување за ефикасно користење на енергијата и водата, пренесува Танјуг.