Џеј Ло е музичка икона – прати силна модна порака

САД- Џенифер Лопез (52) беше прогласена за музичка икона на  доделувањето награди на iHeartRadio. Поп-ѕвездата и актерка доби признание за својата долгогодишна кариера, а Бен Афлек беше во првите редови во публиката во Shrine Auditorium во Лос Анџелес за да ѝ даде поддршка на својата девојка заедно со синот Семјуел и со ќерка ѝ Еми.

Ден потоа медиумите го коментираат гестот на Афлек, со тоа што ги охрабри 10-годишниот син Семјуел и 14-годишната ќерка на Лопез, Еми, да ја гледаат како ја прима наградата.

Сите заедно ја гледаа како доаѓа на сцената во атрактивен маслинесто-зелен фустан со длабоко деколте и проѕирно здолниште.

Наградата е признание за нејзиното влијание во поп-културата, долгогодишната кариера, постојаната застапеност на радиостаниците и големиот број фанови во светски рамки.

Џенифер Лопез ја краси насловницата на мартовското издание на „Icons and Influences“ на престижниот „Ролингстоун“ со неверојатни стилски изгледи од висока мода. 

Пејачката и актерка е актуелна со  нејзиниот нов филм „Marry Me“.

Во насловната приказна, Лопез открива како „ги прекршила сите правила за да стигне до врвот“. Таа вели дека нејзиното мото отсекогаш било „F-k it“. Додека таа се отвораше за нејзиниот пораст на славата, таа „се трудеше да не каже премногу“ за нејзината обновена романса со Бен Афлек.