ДКСК отвори предмет за тендерите на Министерството за дигитална трансформација

12/03/2025 13:29
Државната комисија за спречување на корупција (ДКСК) ќе утврдува дали има судир на интереси во случајот со тендерите во Министерството за дигитална трансформација.
 
„Во текот на вчерашниот ден по објавите во медиумите, Антикорупциска комисија оформи предмет по сопствена иницијатива и ќе постапува да се утврди дали има судир на интереси“, изјавија кусо од ДКСК за МИА.
 
Опозициската СДСМ во понеделникот обвини за конфликт на интерес, непотизам и сомнение за корупција во Министерството во врска со две јавни набавки во вредност од 50 000 евра што ги добила фирма која е во сопственост на сопругот на државната секретарка во тоа министерство. Тие ја повикаа Антикорупциска итно да постапи по овој случај.

 

Министерот за дигитална трансформација Стефан Андоновски во понеделникот на прес-конференција ги отфрли обвинувањата од опозициската СДСМ за конфликт на интерес, додавајќи дека Министерството е посветено на транспарентост, отчетност и законитост во работењето.

Андоновски рече дека државниот секретар во Министерството не учествува во ниту една постапка за јавна набавка, во ниту една фаза, а нејзиниот ангажман е во административно-буџетско работење на Министерството, па затоа не постои простор за судир на интерес или влијание на постапката од нејзина страна.

Поврзани содржини

Родителите од Кочани незадоволни од отстранувањето на обвинителката Трајчева и бараат да биде вратена на случајот „Пулс“
Утре во Скопје посебен режим на сообраќај поради атлетска трка
Жители на Ново Лисиче бараат одлагање на зонското во Реонски – хаосот ќе се префрли!
Сојуз на медицинските сестри: Ќе се надмине ли проблемот со хроничниот недостиг на овој кадар?
Алиу: Прекумерната тежина е сериозна хронична болест поврзана со над 200 коморбидитети
Аеродромци ќе имаат бесплатно паркирање само во зоната во која живеат – во другите ќе плаќаат
Ноќеска се менува времето – еден час помалку за спиење
Локални врнежи од дожд, снег на планините и пад на температурите

Најчитани