Девојче исчезнало додека кампувало во САД, пронајден е само велосипедот
Деветгодишната Шарлот Сена последен пат била видена во саботата околу 18:15 часот по локално време во државниот парк Моро Лејк, кој се наоѓа на 80 километри северно од Олбани, главниот град на државата Њујорк.
Исчезнатата девојка таму кампувала со семејството, пишува Sky News. Нејзината тетка ги повика луѓето „да продолжат да се молат“ за деветгодишното дете додека полицијата продолжува со потрагата. Таа, исто така, објави видео на TikTok во кое бара од јавноста поддршка и информации за наводното киднапирање.
„Немаме никакви информации за споделување во овој момент, но ако можете да продолжите да ја споделувате нејзината фотографија и да се молите, тоа е навистина најдоброто што нашето семејство може да го побара во овој момент“, рече таа.
„Ако знаете нешто, ве молиме контактирајте ја полицијата на државата Њујорк, како и ако познавате некој што живее во близина. Секоја информација би помогнала во нивната истрага“, додаде таа. Полицијата верува дека Шарлот е земена под околности што значат дека таа е во „непосредна опасност од сериозни повреди и/или смрт“.
Вчера наутро активирале килибарна тревога поради „киднапирање на дете“.
Велосипедот е пронајден
Во моментот на исчезнувањето, девојчето носело портокалова маичка од Покемон, темно сини панталони, црни крокови и сива велосипедска кацига. „Сакаме само безбедно да си дојде дома. Ниту една информација не е неважна, ве молиме јавете се ако знаете нешто“, велат од семејството. Речиси 200 луѓе се вклучени во потрагата, која вклучува кучиња трагачи, два дрона, чамци и шест подводни спасувачки тимови, рече гувернерката Кети Хочул.
Таа истакна дека Шарлот и нејзиното семејство кампувале на само 15 минути од местото каде што пораснале таа и нејзините сестри. Хочул рече дека малото девојче го возела својот велосипед низ паркот со семејните пријатели кога рекла дека сака сама да направи уште еден круг. Откако не се вратила во следните 15 минути, нејзините родители и околните кампери почнале да ја пребаруваат областа. Во 18:45 часот е пронајден велосипедот со кој се возела Шарлот.