Детективот кој собираше докази за Вајнстин се бори за живот откако беше ограбен пред неговиот дом

САД- Џек Паладино, приватен детектив ангажиран од Харви Вајнстин за да ги испита потенцијалните обвинувачи и новинари, не се очекува да преживее откако беше ограбен пред неговиот дом во Сан Франциско.

Паладино, чиј список на клиенти ги вклучува Кевин Костнер, Робин Вилијамс, Снуп Дог и Бил Клинтон, само што излегол од неговиот дом во градот Хаит-Ешбери, кога се приближил автомобил, а крадецот се обидел да му ја земе скапата камера. Инцидентот предизвика 70-годишниот Паладино да падне и да ја удри главата на тротоарот.

Неговиот син, Ник Чепмен, изјави за Сан Франциско хроникал дека славниот детектив „не се очекува да преживее“, откако хирурзите се обидоа да го запрат крварењето.

Паладино започна да презема случаи од висок профил заедно со неговата сопруга Сандра Сатерленд веднаш по напуштањето на правниот факултет, вклучително и истрагата за киднапирањето на Пети Хирст од страна на Симбионската ослободителна армија во 1974 година, како и наводно работејќи за Бил Клинтон во 1992 година, непосредно пред тој да биде избран за претседател да ги замолчи гласините за вонбрачни врски.

Неодамна, Паладино, чие семејство рече дека работи на последниот случај пред да замине во пензија, беше дел од група, која вклучуваше приватни истражители и поранешни агенти на Мосад, ангажирани од омаловажениот филмски магнат Харви Вајнстин за да го надгледува и проценува кредибилитетот на разни потенцијални обвинувачи и новинари кои пишуваат за случајот.

Според „Њујоркер“, целите на Паладино вклучувале и истрага за Адам Мос, тогашен уредник на магазинот Њујорк, кој ја следел приказната за Вајнстин, која никогаш не успеала да се испечати.

Паладино бил дел од поголемите напори на г. Вајнстин да добие информации за жените кои се подготвуваат јавно да го обвинат за сексуално однесување. Според „Њујоркер“, двајца истражувачи од разузнавачката фирма „Црна коцка“ користеле лажни идентитети и се сретнале со Роуз Мекгован, актерка која на крајот јавно го обвини г. Вајнстин за силување. Еден од истражителите, исто така, се преправал дека е активист за жените и тајно снимал повеќе состаноци со г-ѓа Мекгован, во обид да се обиде да открие кој ги пренесува нивните тврдења на печатот.(Индипендент)