Цел Холивуд на гала вечерта на Филмскиот музеј во Лос Анџелес (галерија)
Лос Анџелес- Не беа Оскари, ама беше гламурозно како оскаровската ноќ на црвениот и розевиот ќилим. Вечерта беше со изразен гламур и луксуз, па такви беа и креациите – видовме многу елегантни, убави фустани, со потпис на врвни дизајнери и куќи.
Вечерта – третото гала издание на Филмскиот музеј , им оддаде почит на четворица истакнати личности од забавната индустрија: Мерил Стрип. Мајкл Б. Џордан, Опра Винфри и Софија Копола.
Стрип ја доби наградата „Икона“, која се доделува на уметник чија кариера имаше забележително влијание ширум светот; Мајкл Б. Џордан е почестен со наградата Vantage, која се доделува на нов уметник или научник кој работи на предизвик и контекстуализирање на постоечките доминантни наративи околу филмот; Винфри ја доби наградата „Столб“, со признание за лидерство и поддршка за Музејот на Академијата; Копола ја доби наградата „Визионер“, која се доделува на уметник или научник чии иновации го унапредиле филмот како уметност.
Копретседавачи на вечерта беа Ава ДуВернеј, Хали Бери, Рајан Марфи и д-р Ерик Есраилијан. Еден од најголемите моменти на тепихот беше кога Стрип и Винфри застанаа да позираат заедно, држејќи се за рака за заедничка фотографија.
Погледнете ги најдобрите изгледи на најголемите ѕвезди на Галата на Филмскиот музеј во Лос Анџелес. (Вог)
