Бугарија изгласа уште една преодна влада со Главчев како премиер

Втората преодна влада со премиерот Димитар Главчев положи заклетва пред Народното собрание. Церемонијата беше исклучително кратка и формална. Членовите на привремената  влада на Димитар Главчев дадоа заклетва дека ќе работат во име на Бугарија пред народните избраници. Во салата се пријавија 194 пратеници, со кои претседавачот Раџ Назаран ја отвори седницата.

На гласањето во пленарната сала беа присутни претседателот Румен Радев и потпретседателката Илијана Јотова.Претседателот при влегувањето во собраниската зграда рече дека е надмината уставната криза, но не и политичката.

И покрај ризикот од блокирање на државата, денес имаме влада. Сепак, политичката криза ќе го најде своето решение кога ќе имаме стабилно мнозинство, кое ќе избере стабилна влада. Искреноста при гласањето добива огромна тежина. Борбата против купувањето гласови  треба да биде приоритет. Оваа грда појава им дава можност на корумпирани личности да влезат во парламентот и да располагаат со судбината на Бугарите. Со тоа се уништува државата и политичкиот систем. Шпекулациите кому му припаѓа Атанас Илков ги оставам настрана, тоа ќе го покажат неговите постапки, изјави Румен Радев.

Од своја страна, Димитар Главчев коментира дека доколку има сомнеж околу Атанас Илчев, ќе биде отфрлен.

Кабинетот „Главчев 2“ има три нови лица, од кои најважна е смената на министерот за внатрешни работи Калин Стојанов со Атанас Илков. Кандидатурата на вториот беше критикувана од ПП-ДБ, кои сметаат дека е поврзан со Делан Пеевски. Инаку Пеевски вечерва партијата го смени од лидерската позиција и го исклучи од членството.